Ауызша аударманы цифрлендіру бойынша вебинар

Ғылым онкүндігі аясында 2026 жылдың 2 сәуірінде Әлем тілдері факультетінің шығыс филологиясы және аударма кафедрасының студенттері мен магистранттары үшін вебинар өткізілді. Спикер – Astana Interpreters компаниясының конференц-аудармашысы, PhD докторы, Мақсұт Нәрікбаев университетінің гуманитарлық ғылымдар факультетінің оқытушысы Жанар Советқызы Түсіпбекова.

Спикер жасанды интеллектті пайдаланатын аудармашы жұмысын қамтитын кеңейтілген аударма (Augmented interpreting) деп аталатын жаңа аударма түрі және осы процесте қолданылатын Adobe Firefly, Gemini, Notebook LM, GrammarlyGO, Perplexity AI, Subtitles Service және басқа да құралдар туралы талқылады. Вебинар студенттер арасында үлкен қызығушылық тудырды және көптеген сұрақтар қойылды. Кездесуді филология ғылымдарының докторы, профессор Айгүл Қазкенқызы Жұмабекова жүргізді.