Жалпы және қолданбалы психология кафедрасы «Сот сараптамасындағы психология» тақырыбында қонақ дәрісін өткізді. Шақырылған спикер Алматы сот сараптамалары институтының психологы Әлия Болатқызы болды!

Абай атындағы ҚазҰПУ-дың Жалпы және қолданбалы психология кафедрасында практик психологтар даярланады. Білім беру бағдарламасында практикаға бағытталған, өзекті пәндердің кең ауқымы ұсынылған. Осыған байланысты кафедра психологиялық практиканы жүзеге асырудың түрлі бағыттарындағы мамандармен тығыз ынтымақтастықта жұмыс істейді.

Кафедра «Сот сараптамасындағы психолог» тақырыбында қонақ дәріс ұйымдастырды. Шақырылған маман - Алматы қаласы бойынша Сот сараптамалары институтының психологі Мұқамәди Әлия Болатқызы.

Іс-шара 6В03111 бакалавриат білім беру бағдарламасы бойынша «Суицидология негіздері» пәні аясында білім алушылардың құзыреттерін кеңейту мақсатында ұйымдастырылды. Сонымен қатар дәріске профессор-оқытушылар құрамы, докторанттар, магистранттар және студенттер қатыса алды. Дәріс 19 ақпанда сағат 11:00-ден 12:30-ға дейін факультеттің оқу ғимаратындағы 5-дәрісханада өтті.

Интерактивті дәріс форматында қатысушылар көптеген сұрақтар қойды:

1. Суицид және жауапкершілік

1. Буллинг салдарынан суицид орын алса, қандай шаралар қабылданады?
2. Қудалауға байланысты суицид жағдайында мектеп заңды жауапкершілікке тартыла ма?
3. Буллерлер қылмыстық немесе азаматтық жауапкершілікке тартыла ала ма?
4. Осындай істерді тергеу процесі жалпы қалай жүргізіледі?
5. Психиатриялық стационарларда немесе жабық типтегі мекемелерде орын алатын суицид жағдайлары қалай қарастырылады?
6. Қазіргі заманда суицидтің негізгі себептері ретінде қандай факторлар жиі кездеседі?

2. Аффект жағдайы және қылмыстық жауапкершілік

1. Қандай жағдайлар аффект күйі ретінде саралануы мүмкін?
2. Жеке өмірлік жағдайлар (жақын адамның қайтыс болуы, созылмалы стресс, ауыр өмірлік жағдай) басқа адамға зиян келтірілген жағдайда жауапкершілікті жеңілдететін мән-жайлар бола ала ма?
3. Сараптамалық психологиялық қорытынды сот шешіміне қалай әсер етуі мүмкін?

3. Отбасылық даулар және психологиялық сараптама

1. Баланы бір ата-ананың екіншісіне қарсы психологиялық тұрғыдан бейімдеуі (ата-аналық жатсыну синдромы) фактісін анықтау мүмкін бе?
2. Мұндай жағдайларды тексеру үшін қандай әдістер қолданылады?